الجمعة، 26 أكتوبر، 2012

اختراع السعادة !


أقولك على سِر
لو زعلان  ؛ انزل ليلة العيد في الزحمة ؛ إدارى في فرحة ناس تانية و متسألش نفسك أسئلة مالهاش معنى ؛ عن مثلا ان ازاي العيد اتغير  و القلب اتغير و العمُر  جري ؛  بُص : متفكرش في شكلك قبل ما تنزل و لا بعد ما ترجع ... افتح تلاجتك و كل شوكلاتة جلاكسي  بالكراميل من غير ما تبص على فيها كام كالوري (لو كنتِ بنت)  كدا كدا هتكليها و تتبسطي و افتح تلفزيونك على حاجة من الحاجات الأصلي ؛ يمكن حظك يوقعك في ريا و سكينة زي بالظبط و اضحك من قلبك على نص انت تقريبا حافظه .
اختراع السعادة بسيط جدا ؛ مش عايز اكتر من انك بجد تقرر تكون مبسوط .
أقولك على سِر تاني
مش هاتصل بيك العيد دا و لا حتى هبعتلك مسج \ أنا اصلي بخاف من الرد اللى مش بيوصلي ؛ بيوجعني السُكات و البُعد و احساسي اني مش جواك ؛ و انا قررت اكون فرحانة ؛ فرحة كده من الكتالوج !
...........................................................................
بالمناسبة :
كل سنة و انت طيب :)

هناك 10 تعليقات:

ريـــمـــاس يقول...

صباح الغاردينيا هدير
نختلق السعادة بأشياء بسيطة
كل عام وأنتِ بخير وفرح
كل عام والحب يطوق قلبك
كل عام والسعادو طريق أيامك "
؛؛
؛
عيد سعيد
لروحك عبق الغاردينيا
كانت هنا
Reemaas

مسلم مصرى يقول...

الله عليكى
انا بعمل كدة كتير
بس للاسف مش ف العيد لانى لازم افضل مع العيلة
كل عام وانتى سعيدة
تحياتى المعطرة

نيللى عادل يقول...

:)
...
كل سنة وإنتِ طيبة ياحلوة

هدير يقول...

ريماس و العطر و الغاردينيا
كل سنة و انتِ طيبة :)

هدير يقول...

مسلم مصري
:)
كل سنة و انت طيب و مبسوط وسط عيلتك و اهلك ؛ ربنا يفرحكم دايما !

هدير يقول...

نيللي حبيبتي
:)))))
كل سنة و انتِ أحلى :)

دعـاء عـلى يقول...

التفاصيل الصغيرة قادرة على إسعادنا حقاً .. إن سمحنا لها !
كل سنة و انتِ طيبة :)

P A S H A يقول...

كــــل سنة وأنتي طيبة وبألف خير وصحة وسعادة إن شاء الله أنتي وكل أسرتك الكريمة وكل أحبابك :))
وإن شاء الله يكون عيد سعيد عليكم جميعاً بإذن الله :))
إحساس حلو برضه إن الواحد يفطر ويتغدا ويتعشى ويحلي ويحبس باللحمة D:

هدير يقول...

دعاء علي
كل سنة و انت طيبة و هانئة بتفاصيل كبيرة و صغيرة :)

هدير يقول...

باشا

اتفق معاك جدا في احساسك بالللحمة :))
كل سنة و انت طيب و بخير وسط احبابك و عيلتك الجميلة

دمت بألف خير !