الاثنين، 18 أبريل، 2011

فنجاني يوصد في وجهى ركوته

أعترف بأنى اخاف العرافين
و أخاف من فكرة حمقاء تدفعنى كي أقرأ فنجاني ذات صباح
فأنا لا أشرب قهوة في الليل
الليل مخيف بما يكفي....مطر و رياح .

أعترف بأني
أخاف الحزن المخبوء ...
و أخاف من خط يدى في كفي الممدود
تنظر لي و تقول بمكر : خط القلب قصير حد الموت
" انتى يا فتاتى لا نصيب لك في العشق "
توشوش صدفتها و تخط في الدرب دوائر
و تشير الى الرسم السحري
قضبان و حصى و بقايا تعويذة و دموع
و انا في الخلف !

فنجاني يوصد في وجهى ركوته
للمرة الألف
اقلبه على ظهر الطبق و اتظاهر بالملل
انا اعرف نفسي حين يشاكسنى الحزن
اتصرف و كأنى الهو
"ادخل على البوم تصاويرك فأرى عينيك مذبوحة في صمت "
و افكر لهنيهة اني صنعت حزنك بيدي
" تخبرنى الأيقونة على شكل القلب بأنك اخترت لقلبك دربأ اخر "
فأصيح : مرحى
هنيئاً لك
و أمد الى فنجاني اليد
فيطالعنى ظلام
بلا رمز
حتى فنجانى يتأمر ضدي
يوصد في وجهى ركوته .

اعترف : أنى حزينة اليوم !

هناك 5 تعليقات:

Bent Ali يقول...

أخاف الحزن المخبوء ...
و أخاف من خط يدى في كفي الممدود
تنظر لي و تقول بمكر : خط القلب قصير حد الموت
" انتى يا فتاتى لا نصيب لك في العشق "

الجمل دى عجبتنى قوى
تعرفى يا هدير ان مرة من اكتر من عشر سنين واحد عراف عمل معايا العملة السودة دى، وكانت شيرين طرف فى الموضوع ده، لاقيت شيرين من شهر مثلاً بتقولى فاكرة يا وفاء الراجل...
كدبت عليها وقلتلها لاء، لانى فاكرة نبؤته الشؤم " لما قالها دى اتعس بنت فى الدنيا" فاكراه مش عشان بأوؤمن باللى بيقوله، فاكراه لان نبؤته صدفت حدس جوايا من وقت ما سمعتها، ساعات حدسنا بيقوم بدور العراف ده، اللى كلنا مؤمنين انه ممكن يصدف بس مصدقينه..

بس لازم اقولك ان لغتك عالعادة اضافت للفكرة، الفكرة حلوة قوى يا هدير، وان كنت اتمنى ان يمنيكِ عراف حدسك بطرق مملؤة بالحب والسعادة...

شوكولاتة يقول...

i like your blog sweet. that's your place to give us your shinny thoughts and it's our window to have a look on these thoughts it's a way to go. I really miss u sweet.

By the way it's the counterpart of your sister hala :) do you know me now.

هدير يقول...

وفاء

كلامك جيه على الجرح زي ما بيقولو ...انا مقتنعة تماما بالحدس الداخلي و بالرغم من انى مش من هواة التشاؤم و لا بحب النكد , لكن غصب عنك حرفك بيخونك !
يمكن حدسي دا نابع لان لحد دلوقتى "اجدنى عصية على الفهم" , فيمكن توقع ان صعب تلاقى حد يفهمك هو اللى بيوحي الى الحدس بكدا.
انا معاكى كمان في انها عاملة سودا ...انا كنت أشطر منك لأنى اعلنتها واضحة مع نفسي " من اتى عرافا فقد كفر" و عشان كدا فلت بجد من قراية فنجان رغم فضولي القاتل جدا جدا جدا .

هدير يقول...

عزيزتى شيكولاته

اولا اهلا وسهلا بيكي في دنيتى ... ثانيا بقى من غير ما تدينى اي رمز و بتقوليلي انا نسخة " هالة " طبعا انا عرفتك من اول سطر , و احدة بتموت في الشيكولاتة و بتكتبلى بالانجليزى و بتنادينى SWEETY ,,, عروستى
اكيد انتى يا شروق
وحشتينى و مادام عرفتى طريقى يبقى لازم اشوفك دايما
ماشي يا HONEY :)

هدير يقول...

شيري
وصلنى تعليقك على الفيس بوك .... عارفة يا شيرى من كلامك و كلام وفاء و مشاركتنا نفس الاحساس في موضوع " الحدس" و الفنجان بيأكد لي حاجات كتير جدا ... و اضح كدة ان موضوع الفنجان و المستقبل و الخوف منه دا عنصر رئيسي عند نا س كتير ,, معاكى ان الانسان بيخاف من المجهول لانه ميعرفوش.
اتمنى لك زي وفاء ماتمنيت لى و زي ما انا كمان بتمنى لها " ان يحمل لنا فنجاننا ,الذي على الارجح لن نجرؤ على قراته, فرحا و سلاما .